Општи правила и услови за користење на мобилната апликација NLB mFondovi

I.  Општи одредби

Овие општи правила и услови ги пропишуваат правата и обврските на Корисникот на апликацијата NLB mFondovi и Друштво за управување со отворени и затворени инвестициски фондови НЛБ Фондови АД Скопје (во понатамошниот текст: НЛБ Фондови АД Скопје или Друштво), поврзани со користењето на апликацијата NLB mFondovi. За се што не е уредено со овие општи правила и услови или пак постојат одредени неусогласености, предност ќе имаат и соодветно ќе се применуваат одредбите од Проспектот и Статутот на фондот/фондовите во кои инвестира корисникот, а со кои управува НЛБ Фондови АД Скопје. Сите термини употребени во овие Општи правила и услови за користење го имаат истото значење како и термините употребени во Проспектот и Статутот на фондот/фондовите во кои инвестира корисникот, а со кои управува НЛБ Фондови АД Скопје.

II.  Опис на апликацијата

Мобилната апликација има за цел да овозможи лесно и едноставно управување на инвестициите нa корисниците. Со помош на апликацијата, корисниците ќе можат да пристапат до фондот, да ги прегледуваат своите инвестиции, да гледаат информации за активностите на фондот, да гласаат за идни активности, да прегледуваат новости и да користат инвестициски калкулатор за да симулираат различни типови на инвестиции.

III.  Основни функционалности на мобилната апликација

Согласно регулативата во Р.С. Македонија, мобилната апликација на инвестицискиот фонд ги претставува основните функционалности кои овозможуваат Корисникот да ги користи услугите на фондот во согласност со највисоките регулаторни барања.

Сите функционалности на мобилната апликација се изградени во согласност со највисоките безбедносни стандарди, за да се обезбеди сигурност при чување и спроведување на податоците, како и да се спречат можни злоупотреби, вклучувајќи перење на пари и финансирање тероризам, кражба или злоупотреба на идентитет и други слични активности.

Основните функционалности вклучуваат:

Регистрирање во мобилната апликација, електронска идентификација идентификација на Корисникот и AML процес, електронско потпишување на договор за користење на услуги, поднесување на Барање за отварање на инвестициски план или Барање за еднократни уплати, евиденција во моменталната состојба на инвестираните удели во соодветниот фонд и евиденција во историја на извршени трансакции.

IV.  Регистрирање во мобилната апликација

Мобилната апликација за регистрација на услугите на инвестициските фондови во Р.С. Македонија е создадена во согласност со сите законски регулативи и безбедносни стандарди. Процесот на регистрација е едноставен и ефикасен обезбедувајќи максимална сигурност за корисниците. Корисникот на апликацијата најпрво треба да ја внесе својата е-пошта. Потоа, за да потврди дека е сопственик на таа е-пошта, корисникот треба да го кликне на линкот за верификација кој е пратен на неговата е-пошта. Овој процес на верификација гарантира дека е-поштата е валидна и дека корисникот може да продолжи со регистрацијата. Откако ќе биде верификувана неговата е-пошта, корисникот мора да ги прифати општите правила и услови за користење на мобилната апликација. Во овие услови за користење, корисникот дава согласност за споделување на неговата е-пошта со мобилната апликација и сервисите кои ги нуди. Неговата е-пошта ќе биде користена само за внатрешно работење на сервисите кои се препочитуваат од апликацијата. Во условите за користење, корисникот се согласува да продолжи со идентификацијата преку сервисот Евротраст (Evrotrust), која е високо регулирана компанија од Европската Унија по сите највисоки EIDAS стандарди. Евротраст гарантира дека сите лични податоци се чуваат во согласност со сите регулаторни и безбедносни стандарди, а процесот на идентификација е брз, ефикасен и безбеден.

V.  Електронска идентификација и верификација на корисникот и AML процес

Идентификацијата на корисникот е клучен процес во финансиските услуги, кој осигурува безбедност на трансакциите и помага во превенцијата на криминални активности и финансиски измами. Со помош на современите технологии, како што е вештачката интелигенција, овој процес може да се спроведе на брз и ефикасен начин, со гаранција на прецизност и точност.

Согласно член 37, став 2, од Законот за електронски документи, електронска идентификација и доверливи услуги, давателите на доверлива услуга кои се основани од земја членка на Европската Унија и се запишани во Листата на доверливи услуги на Европската Унија, можат да работат и да обезбедуваат услуги на територијата на Р.С.Македонија, без претходна регистрација во Регистарот на даватели на доверливи услуги и шеми за електронска идентификација.

Во нашиот случај, процесот на идентификација и електронски потпис е спроведен преку продуктот Евротраст, сертифициран според највисоките регулаторни стандарди од Европската Унија.

Овој процес се состои од три чекори, кои се спроведуваат со помош на мобилниот телефон на корисникот.

VI.  Чекори на електронската идентификација и верификација на корисникот

Првиот чекор е скенирање на документ за лична идентификација (пасош или лична карта) со задната камера на мобилниот телефон со активен блиц. Овој чекор овозможува податоците од мобилниот телефон да се процесираат од Евротраст директно, и да се извршат проверки на валидноста на документот.

Вториот чекор е утврдување на валидноста на документот за лична идентификација е преку движење на документот додека камерата работи за да се покажат холограмските принтови и да се утврди дека не е фалсификат или неважечки. Овој чекор дава дополнителна сигурност на процесот на идентификација, што го прави повеќе сигурен и точен.

Третиот чекор е утврдување на тоа дали документот за лична идентификација припаѓа на лицето позади телефонот преку активирање на предната камера на телефонот, и следење на инструкциите за движење на лицето. Во овој чекор, вештачката интелигенција го споредува лицето на документот за идентифкација и предната камера, и ја одобрува идентификацијата ако истата се совпаѓа.

На крајниот корисник не му е дозволено да пристапи и да се потпише на формата за регистрација во фондот, доколку не направи успешна идентификација и верификација. (Истиот автоматски е блокиран доколку не се потврди идентитетот или се пронајдат знаци на фалсификат документ).

После успешната идентификација, следниот чекор на клиентот е електронски да ја потпише документацијата за пристапување во фондовите со СМС код.

VII.  Електронско потпишување на Договор за вложување во отворен инвестициски фонд

Откако клиентот е успешно идентификуван, следниот чекор е електронски да потпише Договор за вложување во отворен инвестициски фонд.

За да се потпише Договорот, на клиентот му се испраќа смс код на мобилниот телефон кој го навел во процесот на идентификација, кој му овозможува електронско потпишување. преку Евротраст апликацијата, сертифицирана како Trusted Service Provider, се користи за да го обезбеди овој важечки потпис.

Овој сертификат обезбедува високо ниво на безбедност и целосна законитост на потпишаните документи. Истиот, гарантира дека клиентот може безбедно и сигурно да ги потпише документите и да се приклучи кон инвестициските фондови.

Откако корисникот ќе го потпише Договорот за вложување во отворен инвестициски фонд, сите негови документи и потписи се испратени во криптирана форма до локалните сервери во две посебни датотеки, датотека која ги содржи податоците и друга датотека што содржи клуч како истите да се отворат од страна на Друштвото.

Личните податоци, како и потпишаните документи единствено се снимаат на локалните сервери на Друштвото и истите не ги чуваат ниту провајдерот за идентификација и потпишување, ниту компанијата која е задолжена за одржување на апликацијата Финкап Технолоџи ДООЕЛ, Кавадарци.

По успешно потпишување на Договорот за вложување во отворен инвестициски фонд и прифаќање на условите за инвестирање, корисникот е пренасочен на чекор каде што треба да внесе свој 6-цифрен ПИН код. Овој ПИН код ќе се користи за секундарна идентификација во апликацијата, која е задолжителна за сите високоризични активности, како што се: логирање во апликацијата, прифаќање или промена на услугите кои се нудат, како и редновно ажурирање на личните податоци на корисникот.

Во овој Договор, кој корисникот го потпишува со електронски потпис, корисникот се согласува дека при понатамошното користење на апликацијата, со внесувањето на 6-цифрениот ПИН код или СМС кодот, електронски се потврдува и одобрува конкретната активност. Страните се согласуваат дека ваквата електронска потврда ќе се смета како валидна со правно обврзувачки ефект како квалификуван електронски потпис, во согласност со важечките прописи. Оваа согласност се однесува на сите активности, како што се: пристапување кон нови фондови, менување на условите на постоечки фондови, ажурирање на податоците на корисникот, купување нови удели и отворање на нови инвестициски планови.

Доколку родителот веќе е идентификуван инвеститор или корисник на некоја од услугите на Друштвото, потпишувањето во име и за сметка на своето малолетно дете може да го врши со истиот ПИН код што го користи за својот профил. Овој ПИН код ќе се смета како валиден со правно обврзувачки ефект како квалификуван електронски потпис. Доколку родителот е овластен полномошник на своето дете, инвеститор во некој од отворените инвестициски фондови, при првиот пат кога отвора фонд за себе, тој може да го користи истиот 6-цифрен ПИН код кој претходно го внел за управување со средствата на своето дете. Овој ПИН код ќе се смета како валиден со правно обврзувачки ефект како квалификуван електронски потпис.

Корисникот и Друштвото се согласуваат дека горенаведените методи на идентификација и одобрување ќе важат како валиден потпис и ќе се сметаат за правно обврзувачки. За секоја активност што ќе биде одобрена со овие методи, ќе се генерира лог кој ќе ги содржи следните информации: Име и презиме на корисникот, регистрациски број на корисникот, точно време на внесување на ПИН кодот, опис на одобрената активност. Дополнително, регистрацискиот број на корисникот ќе биде спореден со базата на податоци на Друштвото за да се потврди дека одобрувањето е во име на вистинскиот корисник.

VIII.  Поднесување на Барање за отварање на инвестициски план или Барање за еднократни уплати

Преку мобилната апликација, корисникот може да активира отворен инвестициски план, во кој се дефинирани временската рамка, големината на планот, динамиката на идните уплати и првата уплата што има намера да ја изврши. Откако планот ќе биде отворен и активиран преку пополнување и потпишување на Барањето за купување на удели, кое е составен дел од Договорот за вложување, а во кое се дефинирани деталите на планот, извршување на првата уплата и запишување на уплатата во регистарот на удели на фондот, корисникот нема да може да врши промени на истиот.

Дополнително, преку апликацијата, корисникот има можност да потпише и Барање за извршување на еднократна уплата или уплати. Барањето се активира преку потпишување на истото, извршување на уплата и запишување на уплатата во регистарот на удели на фондот.

IX.  Евиденција во моменталната состојба на инвестираните удели во соодветниот фонд и Евиденција во историја на извршени трансакции

Мобилната апликација ќе овозможи корисниците да се логираат во нивните профили, каде што ќе можат да ја видат состојбата и перформансот на инвестициските фондови, врз основа на последните достапни податоци за вреднување на нето имотот на фондот. Оваа информација ќе биде претставена на транспарентен начин, каде што податоците ќе бидат директно превземени од официјалната состојба на уделите на инвестицискиот фонд во кој корисникот пристапил.

Од суштинска важност е да им се овозможи на корисниците да ги проверуваат своите портфолија на мобилната апликација со точни податоци во секое време. НЛБ ФОНДОВИ АД Скопје се стреми да ги обезбеди највисоките стандарди за точност, безбедност и приватност на информациите.

Регистрација и верификација на постоечки клиенти

Процесот на регистрација за постоечки клиенти е поедноставен, бидејќи нивниот идентитет е веќе потврден преку претходно потпишаниот договор во хартиена форма. Регистрацијата се одвива на следниот начин: Корисникот ја внесува својата е-пошта која е претходно регистрирана кај НЛБ ФОНДОВИ АД Скопје, системот испраќа код за верификација на регистрираната е-пошта, по верификација на е-поштата, системот испраќа дополнителен код преку СМС на регистрираниот телефонски број, потврда на лични податоци и креирање на ПИН код.

По успешната верификација, корисникот треба да: Потврди точност на претходно дадените лични податоци, креира личен 6-цифрен ПИН код за користење на апликацијата, дигитално потпишување и правна Важност.

Со внесување на 6-цифрениот ПИН код, постоечкиот корисник потврдува дека: сите внесени податоци се точни и веродостојни, се согласува со условите за користење на апликацијата, прифаќа дека внесувањето на ПИН кодот ќе има иста правна важност како своерачен потпис за сите идни трансакции и промени.

Корисникот и Друштвото се согласуваат дека овие методи на идентификација и одобрување ќе важат како валиден потпис и ќе се сметаат за правно обврзувачки. За секоја активност што ќе биде одобрена со овие методи, ќе се генерира лог кој ќе ги содржи следните информации: Име и презиме на корисникот, регистрациски број на корисникот, точно време на внесување на ПИН кодот, опис на одобрената активност, безбедност на апликацијата NLB mFondoviи уредот на кој истата се користи.

Корисникот се обврзува: да се грижи и да го заштити уредот т.е. да спречи истиот да биде изгубен, украден и/или злоупотребен и да не дозволи употреба од страна на други лица, да се грижи за безбедноста на сигурносните елементи кои се користат на уредот при користење на апликацијата NLB mFondovi, да превземе одговорност за настаната штета поради злоупотреба или доброволно предавање на сигурносните елементи за автентикација, губење на податоци, неовластен пристап до податоци на Корисникот од страна на други лица, да се погрижи дека апликацијата NLB mFondovi е деинсталирана од уредот на кој е инсталирана и дека сервисот е деактивиран согласно постапката за деактивација, во услови кога тој уред веќе функционално не се употребува од страна на Корисникот или кога уредот се отуѓува, да го информира Друштвото, лично или телефонски за било какви промени поврзани со мобилниот телефонски број, да ја употребува апликацијата NLB mFondoviво согласност со упатствата за употреба на апликацијата NLB mFondovi, Општите правила и услови и важечките прописи, веднаш да го извести Друштвото, за било какви нерегуларности при функционирањето на апликацијата NLB mFondovi, на уредот да не употребува или инсталира било какви компјутерски кодови, сомнителен софтвер или други инсталации што би можеле да оневозможат непречено функционирање на апликацијата NLB mFondovi, да употребува уред на кој не е модификуван оригиналниот софтвер и хардвер, да преземе целосна одговорност пред Друштвото во случај на штета предизвикана поради употреба на апликацијата NLB mFondoviспротивно на овие општи правила и услови, да го информира Друштвото за било каква неовластена употреба, сомнеж за неовластена употреба или можност за неовластена употреба на уредот (на пр. ако трета страна на било кој начин дознала за сигурносните елементи), кражба или губење на мобилниот уред, и во тој случај потребно е да побара апликацијата да биде блокирана, да ги следи известувањата од соодветната продавница за апликации на уредот и постојано да презема/ажурира нови верзии на апликацијата NLB mFondovi, редовно да ги следи известувањата од Друштвото поврзани со употребата на апликацијата NLB mFondovi.

Друштвото го задржува правото да го спречи пристапот на Корисникот до mFondovi доколку: има било какво сомнение за неовластен пристап до апликацијата NLB mFondovi;мобилниот уред на кој е инсталирана апликацијата NLB mFondovi на Корисникот е изгубен или украден; Корисникот не ја преземал/ажурирал новата верзија на апликацијата NLB mFondovi кога истата била достапна; Корисникот не ги почитува овие Општи правила и услови; Друштвото престане да нуди услуги преку апликацијата, за што Друштвото ќе го информира Корисникот.

X.   Обврски на Друштвото

Друштвото се обврзува да: ги извршува своите обврски во согласност со овие Општи правила и услови, го информира Корисникот за било какви измени и/или дополнувања на Општите правила и услови,го информира Корисникот кога Друштвото ќе одлучи да престане да нуди услуги преку апликацијата. Друштвото нема да биде одговорно за штети настанати поради причини кои Друштвото не можело да ги спречи или избегне и не се во негов домен на работење, како и во случај на штета настаната поради „виша сила”. Друштвото не одговара за било каков дефект на мобилниот уред, вклучувајќи го и оној предизвикан од вирус.

XI.   Измени на Општите правила и услови за користење на мобилната апликација

НЛБ ФОНДОВИ АД Скопје може да ја промени содржината и/или услугите кои се нудат преку апликацијата NLB mFondovi, како и Општите правила и услови. Во случај на промена на Општите правила и услови за користење, истите ќе бидат објавени на официјалната веб страница на Друштвото (www.nlbfondovi.mk) како и достапни во самата апликација.