Апликација за спонзорство или донација

Што значи акронимот ЕСГ?

Станува збор за англиски акроним кој се однесува на факторите или аспектите на одржливоста:


Е - Environmental/ Еколошки, С - Social/ Социјален, општествен и Г - Governance/ Корпоративно управување.


Сите три столбови имаат клучна улога во проценката на компаниската ориентација и посветеност за одржливоста.
 
Следствено на ова ESG е заеднички поим за комплетен сет на стандарди што се користат за проценка на организациите во однос на нивната врска со животната средина, општеството и управувањето на организацијата.

Да погледнеме што всушност значи секој критериум:

Еколошки (E – Environmental): Еколошкиот аспект на ESG испитува како компанијата или организацијата се грижи за природната средина. Тој се фокусира на сите аспекти на одржливоста, вклучувајки отпад и загадување, исцрпување на ресурси, јаглероден отпечаток, сеча на шуми, климатски промени и друго.

Ова значи дека компаниите ја разбираат важноста од одговорно однесување кон животната средина и доколку не преземат одговорни мерки, само ќе ги влошат ефектите од климатските промени. Затоа, тие се свесни за своите процеси и нивното влијание на животната средина, и ги вклучуваат практиките како: рециклирање, користење еколошки материјали, намалување на количината на отпадни води и други начини.

Социјален (S – Social): Социјалните критериуми во ESG се однесуваат на влијанието на компанијата врз социјалната средина, како во рамките на организацијата така и надвор од неа. Овој критериум го разгледува начинот на кој компанијата ги третира своите вработени, расната, културната и родовата разноликост во организацијата, промоцијата на образованието, обезбедувањето здравствена и социјална заштита за вработените, како и нејзиното застапување за поширокото општествено добро. Ова помага во намалувањето на ризиците и обезбедува одговорно функционирање на компанијата.

Корпоративно управување (G – Governance): Целта на управувачкиот аспект на ESG е да се процени како компанијата презема одговорност за своите постапки. Овој аспект ги опфаќа напорите поврзани со транспарентност, отчетност и усогласеност со деловните регулативи. Тоа вклучува користење на точни и транспарентни сметководствени методи, стрмеж кон разновидност при избор на раководен кадар, отчетност пред акционарите, избегнување на незаконски активности и слично. Односите со засегнатите страни се клучни за иницијативите поврзани со управувањето, бидејки организацијата се стреми да изгради доверба преку транспарентност и отчетност.

Прочитајте повеќе за Целите на ОН за одржлив развој (UNSDG - United Nations Sustainable Development Goals).

Во друштвото НЛБ Фондови АД Скопје, сме обврзани на навремено откривање на судири на интереси кои би можеле да влијаат врз објективноста на нашите одлуки.

Затоа ве молиме искрено да одговорите на следното прашање:

Дали некој од законските застапници односно други носители на функции (претседател, заменик-претседател, секретар, благајник и други облици на функции, одбори или надзорни органи) е поврзан со НЛБ Фондови АД Скопје и на кој начин?

Инвестиција во некој од производите од НЛБ Фондови АД Скопје не значи дека сте поврзани со Друштвото.

Во друштвото НЛБ Фондови АД Скопје (во понатамошниот текст: Друштвото) сме посветени на навремено препознавање и спречување на било какви коруптивни практики и околности што би можеле да предизвикаат сомнеж во интегритетот на работењето на Друштвото. Ве молиме искрено да одговорите на следното прашање:

Дали потврдувате и се обврзувате дека во врска со спонзорството за кое ја поднесувате оваа пријава, на ниту еден претставник на друштвото не сте и нема да му понудите или дадете каква било недозволена корист за:

• обезбедување спонзорски средства или
• склучување спонзорски договор по поповолни услови или
• пропуштање на должен надзор над исполнувањето на обврските од спонзорскиот договор или
• друго дејствие или пропуст со кој би се предизвикала штета на друштвото или би се овозможило стекнување недозволена корист за претставник на Друштвото, за самото Друштво, за вашата организација или за нејзин претставник, застапник или посредник.